Glitraðu með KR - Styrktarleikir fyrir Einstök börn

Körfuknattleiksdeild KR lætur gott af sér leiða með tvíhöfða (e. double header) til styrktar Einstökum börnum. Leikirnir fara fram laugardaginn 1. mars á Meistaravöllum þar sem kvenna- og karlalið KR spila hvort sinn leikinn og styrkja Einstök börn um leið.

Meistaravellir, laugardaginn 1. mars
KR – ÍR  | 1. deild kvenna   16:30 - kaupa miða
KR – Höttur | Bónusdeild karla | 19:00 - kaupa miða

Einstök börn er stuðningsfélag barna og ungmenna með sjaldgæfa sjúkdóma og heilkenni. Málefnið stendur leikmönnum okkar nærri sem vilja leggja sitt af mörkum í árlegu söfnunarátaki samtakanna. Markmiðið er að efla umræðu um málefni Einstakra barna og safna styrktarfé sem rennur beint til samtakanna.

Leikmenn KR munu leika í einstökum viðhafnarkeppnisbúningi sem hefur verið hannaður sérstaklega fyrir tilefnið. Sérstakir góðgerðabolir verða einnig til sölu í takmörkuðu upplagi og því gefst stuðningsfólki og öðrum velunnurum tækifæri til að tryggja sér einstakan glitrandi KR bol. Allur ágóði sölunnar og miðasölu á leikina mun renna til Einstakra barna.

Fjölmiðlamaðurinn Kolbeinn Tumi Daðason verður kynnir kvöldsins og tónlistarmaðurinn Flóni tekur lagið á milli leikja.

Dagskráin á Meistaravöllum, laugardaginn 1. mars

16:00 | Félagsheimilið opið | Sala á styrktartreyjum hefst

16:20 | Heiðursgestir heilsa leikmönnum og dómurum

16:30 | KR - ÍR í 1. deild kvenna

17:45 | Burgers inni í félagsheimili a la Axel Óskars

18:30 | Flóni tekur lagið inni í A-sal

18:50 | Heiðursgestir heilsa leikmönnum og dómurum

19:00 | KR – Höttur í Bónus deild karla

20:45 | Opið inni í félagsheimili eftir leik
 
Takið daginn frá!