Aðalstjórn KR byrjar með nýjung, KR-ingur mánaðarins! KR-ingur mánaðarins er sá einstaklingur sem hefur lagt sitt af mörkum til félagsins eða verið félaginu til sóma utan skipulagðra æfinga, keppna eða launaðra vinnu á vegum KR. Einstaklingurinn getur verið iðkandi, starfsmaður, forráðamaður, sjálfboðaliði eða stuðningsmaður, þvert á deildir félagsins. KR-ingur júní mánaðar er Þorsteinn Rúnar, vallarstjóri KR, en hann smíðaði boltastand fyrir meistaraflokk kvenna í fótbolta í sínum frítíma þar sem honum fannst vanta boltastand fyrir kvennaleiki. Áður var boltastandur Bestu deildar notaður í öllum kvennaleikjum en liðið spilar í Lengjudeild. Starfsfólk aðalstjórnar valdi KR-ing júní mánaðar en framvegis verður hægt að senda inn tilnefningar: senda inn tilnefningu . Allar tilnefningar verða skoðaðar en krafa er gerð um rökstuðning. Starfsfólk aðalstjórnar fer yfir tilnefningar í lok hvers mánaðar og birtir KR-ing mánaðarins á miðlum sínum og heimasíðu félagsins. KR-ingur mánaðarins hlýtur gjafabréf á Flatey Pizza í þakkarskyni!

Sunddeild KR keppti á sumar meistaramóti íslands seinustu helgi. KR var partur af sameinuðu liði Reykjavíkur. KR-ingar stóðu sig glæsilega og bættu sig í nærrum því öllum greinum. Lið Reykjavíkur náði 1 sæti í stigakeppni liða í flokki 13-15 ára. Helstu afrek helgarinnar Emilý Sóley P.M. Eysteinsdóttir 1 sæti í 200 m flugsundi 13-15 ára (3 hraðasti tíminn í sögu KR hjá 14 ára stelpum) 2 sæti í 200m bringusundi 13-15 ára (4 hraðasti tími í sögu KR hjá 14 ára stelpum) 3 sæti í 400 m fjórsundi 13-15 ára ( 4 hraðasti tíminn í sögu KR hjá 14 ára stelpum) Viktoría Vasile 2 sæti í 50m flugsundi 13-15 ára 2 sæti í 100m flugsundi 13-15 ára 2 sæti í 200m flugsundi 13-15 ára