KR stúlkur eru komnar í úrslit Íslandsmótsins í körfuknattleik eftir að hafa sópað út Íslands og bikarmeistara Hauka.Gestirnir úr Hafnarfirði leiddu lengst af leiksins en eftir æsispennandi lokamínútur höfðu KR-ingar betur, 63-61. Stigahæst hjá KR var Margrét Kara Sturludóttir með 15 stig, hjá Haukum skoraði hin danska Kiki Lund 15.

Fyrsti leikur KR og ÍR í 8-liða úrslitum Iceland Express deildarinnar verður fimmtudagskvöldið 25. mars kl. 19:15 í DHL-höllinni. Leikur 2 verður í beinni útsendingu á Stöð 2 Sport.

Meistaraflokkur kvenna á tækifæri á að tryggja sér sæti í úrslitum Íslandsmótsins með sigri á Haukum í kvöld í þriðja leik liðanna í undanúrslitum Iceland Express deild kvenna. Leikurinn hefst klukkan 20:00 í DHL-höllinni og mun körfuknattleiksdeildin vera með hina heimsfrægu BBQ-borgara sína til sölu í félagsheimilinu frá 19:00.  

Hinir ýmsu vefmiðlar hafa birt viðtöl eftir leikinn í kvöld og birtum við hér nokkur þeirra. Bæði er spurt út í leikinn sjálfan og svo væntanlega mótherja í 8-liða úrslitum. Einnig birtum við hér yfirlit yfir hvaða lið mætast í 8-liða úrslitum.

KR-ingar tryggðu sér deildarmeistaratitilinn eftir sigur á Snæfelli í Stykkishólmi 86-90. KR mætir ÍR í 8-liða úrslitum en Breiðhyltingar gerðu sér lítið fyrir og sigruðu Grindvíkinga í lokaumferðinni. Pavel Ermolinski átti stórleik fyrir KR og skoraði 23 stig.

Gríðarleg spenna er fyrir lokaumferðina í Iceland Express deild karla sem fram fer i kvöld. Aðeins tvö lið geta ekki færst um sæti og eru það falliðin tvö, Breiðablik og FSu. Tvö lið geta orðið deildarmeistarar en KR getur endaði í fyrsta, öðru eða þriðja sæti. Sex lilð eru örugg í úrslitakeppnina en fjögur lið keppa um síðustu sætin tvö.