Sundskóli KR á vorönn

Sundskóli KR hefur verið starfræktur við miklar vinsældir frá árinu 1995 í Sundhöllinni við Barónsstíg. Skólinn er fyrir börn á aldrinum 4-8 ára. Markmið skólans er að kenna ungum börnum helstu grunnhreyfingar sundsins.
Í hverjum sundhóp eru 8-12 börn. Vorönnin 2021 hefst 1. febrúar samkvæmt stundatöflu. Kennsla fer fram á eftirtöldum tímum:

Þriðjudaga og fimmtudaga
Sæhestar kl. 16.30 -7.10, fyrir 4-6 ára, byrjendur
Höfrungar kl. 18.00-18.40, fyrir 6-8 ára, framhald.

Mánudaga og miðvikudaga
Sæhestar kl. 18.00-18.40, fyrir 4-6 ára, byrjendur
Höfrungar kl. 18.40-19.20, 5-8 ára, framhald.
Kennari: Halldór Kristiansen

Sæhestar.
Vatnsaðlögun – unnið að því að börnunum líði vel í vatninu og læri að bjarga sér.
Straumlína – spyrna frá bakka og renna – spyrna frá bakka með kork – flot – fara í kaf og blása frá sér – öndun (blása í vatnið) – hoppa út í laug – skriðsundsfótatök á maga og baki – æfa hreyfingu skriðsundshandataksins og fleira. Leikir, leikir, leikir

Höfrungar.
Straumlínulögun – spyrna frá bakka og renna – hopp af bakka – fara í kaf og sækja hlut – flot á maga og baki – skriðsunds- og baksundsfótatök – skriðsundshandatakið – baksundshandatakið – öndun í skriðsundi – lega í vatninu. Leikir, leikir, leikir

Þátttaka foreldra.
Ekki er gert ráð fyrir að foreldrar séu með börnum í lauginni en fylgi þeim hins vegar gegnum búningsklefana í Sundhöllinni og Austurbæjarskóla. Velkomið að fylgjast með kennslunni af laugarbakkanum. Nauðsynlegt að vera með sundgleraugu í lauginni.