KR-B vann Víking-B og leikur í 1. deild á næsta keppnistímabili

KR-B vann Víking-B og leikur í 1. deild á næsta keppnistímabili

B-lið KR sigraði B-lið Víkings 3-0 í leik um sæti í 1. deild á næsta keppnistímabili og tapaði KR-B ekki lotu í leiknum. Leikið var í Íþróttahúsinu við Strandgötu miðvikudaginn 2. júní.

KR-B varð í 2. sæti í 2. deild en Víkingur-B varð í 5. og næstneðsta sæti í 1. deild á keppnistímabilinu sem er að ljúka.

KR mun því eiga tvö lið í 1. deild karla á næsta keppnistímabili eins og BH, sem sigraði í 2. deild, en HK og Víkingur eiga eitt lið hvort félag.

Ingólfur Sveinn Ingólfsson setti tóninn í fyrsta leiknum í kvöld og vann Kristján Jónasson í þremur jöfnum lotum, sem öllum lauk með tveggja stiga mun. Skúli og Elvar fylgdu á eftir og tryggðu öruggan sigur KR-B.

Úrslit úr einstökum leikjum:

Víkingur-B – KR-B 0-3

  • Kristján Jónasson – Ingólfur Sveinn Ingólfsson 0-3
  • Hlynur Sverrisson – Skúli Gunnarsson 0-3
  • Dominik Rajs/Hlynur – Elvar Pierre Kjartansson/Skúli 0-3

Á forsíðumyndinni má sjá hluta liðs KR-B, þá Steinar, Skúla, Karl og Norbert.