KR Konur

Stjórn KR Kvenna

Arna Guðrún Þorsteinsdóttir

Formaður

Þórhildur Garðarsdóttir

Gjaldkeri

Halldóra Sigtryggsdóttir

Ritari

Meðstjórnendur

Helga Ösp Jóhannsdóttir

Ragnhildur Elín Garðarsdóttir

Anna Ingigerður Jónsdóttir

Hinn 28. nóvember 1973 komu átján konur saman til fundar í KR- heimilinu. Tilgangurinn var að stofna félagsskap kvenna sem hefði það að markmiði að efla og styrkja Knattspyrnufélag Reykjavíkur. Félagið hlaut nafnið KR- konur og var fyrsti formaður Aldís Schram. Fundir KR-kvenna voru haldnir reglulega einu sinni í mánuði yfir vetrartímann og var þá jafnan eitthvað til skemmtunar og fróðleiks. KR – konum fjölgaði hratt því á fimm ára afmælinu voru þær 85 talsins.

Fyrsta verkefni KR kvenna var að fegra félagsheimili KR og stuðla að bættri umgengni.

Aflað var fjár til margvíslegra verkefna í gengum tíðina og hafa ýmsar fjáröflunarleiðir verið notaðar s.s. kökubasarar, kaffisölur, bingó, flóamarkaðir, garðplöntusala, sala á húfum, könnum, svuntum, spilum, jólaböll fyrir börnin, jólaföndri, jólakortum og margt fleira.

Starfsemi KR kvenna hefur tekið breytingum í gegnum tíðina en helsta hlutverk er ennþá að afla fjár til ýmissa verkefna, einna helst að styðja við yngri flokka félagsins og vera bakhjarl við rekstur félagsheimilis KR.

Þorrablót Vesturbæinga er hugsmíð KR-kvenna og er orðinn fastur liður í KR heimilinu. Allur ágóði þorrablótsins rennur óskiptur í yngri flokka starf félagsins í ólíku formi og má þar nefna styrki til keppnis- og æfingaferða, fyrirlestra sjúkraþjálfara, næringarfæðinga og svefnráðgjafa fyrir iðkendur og skyndihjálparnámskeið fyrir þjálfara.

Við bjóðum allar konur á öllum aldri sem á einhvern hátt hafa tengst eða tengjast KR velkomnar í okkar hóp.

Endilega sendið okkur tölvupóst á krkonur@kr.is