Til baka

Íþróttaskóli KR

Íþróttaskóli KR

Íþróttaskóli KR hefur það að leiðarljósi að efla skyn og hreyfiþroska barnanna, ásamt því að kenna þeim að vinna með öðrum, umgangast aðra og taka tillit til hvors annars. Með þessari kennslu er markmiðið að auka jafnvægi, fínhreyfingar, kraft og lífsgleði.

Við mælum með því að börnin séu berfætt í öllum tímum, það eykur hreyfiþroska þeirra og næmni og veitir þeim einnig meira öryggi og grip.
Mikilvægt er að mæta tímanlega til þess að hægt sé að byrja og skipta í hópa á réttum tíma. Íþróttaskólinn fer fram í Íþróttahúsi Hagaskóla.

Æfingagjald fyrir tímabilið er 14.500 kr.

Hóparnir eru þrír:

  • 9:30 fyrir tveggja ára
  • 10:30 fyrir tveggja og þriggja ára
  • 11:30 fyrir þriggja og fjögurra ára

 

Foreldrar eru hvattir til þess að taka virkan þátt í öllum tímunum hvort sem um er að ræða í hópleikjum eða þrautabrautum. Gott ef foreldrar geta aðstoðað börnin og fylgt þeim um salinn ef þess þarf. Einnig er gaman að taka myndavélina með til að fanga skemmtileg augnablik með börnunum.

Skólastjóri er Sigrún Skarphéðinsdóttir Íþróttafræðingur/kennari B.Sc.

Ef einhverjar spurningar vakna, ekki hika við að hafa samband við skrifstofu KR á netfangið skrifstofa@kr.is.


Skráning í Íþróttaskóla KR