KR leikur við ÍR í Lengjubikar karla á fimmtudag, 18. mars. Leikurinn verður í Egilshöll og hefst kl. 19:10.

Bæði lið hafa leikið þrjá leiki í keppninni. ÍR vann Gróttu 2-1 en tapaði 0-6 fyrir ÍBV og 4-5 fyrir Keflavík. KR hefur unnið ÍBV 4-1, HK 5-1 og Keflavík 3-2.

KR og ÍR hafa einu sinni áður mæst í Lengjubikarnum (þá Deildabikarnum). KR vann 3-0 á gervigrasvellinum í Laugardal árið 2001. Moussa Mustapha Dagnogo skoraði í sínum fyrsta leik með KR en Þorsteinn E. Jónsson og Sigurvin Ólafsson skoruðu hin mörkin.

KR vann ÍR 3-1 á Reykjavíkurmótinu 14. janúar sl. Skúli Jón Friðgeirsson, Gunnar Örn Jónsson og Davíð Birgisson skoruðu fyrir KR en Davíð Már Stefánsson skoraði mark ÍR.