KR leikur við Keflavík á sunnudag í Lengjubikar karla. Leikurinn verður í Egilshöll og hefst kl. 19.

Bæði félög hafa leikið tvo leiki í keppninni og sigrað í þeim báðum. KR vann HK 5-1 og ÍBV 4-1 en Keflavík vann Gróttu 3-0 og ÍR 5-4.

Leikurinn verður sjöunda viðureign félaganna í Lengjubikarnum. KR hefur sigrað í þremur leikjum, einum lauk með jafntefli en Keflavík hefur sigrað tvisvar. Markatalan er 12-7 KR í hag. Félögin mættust síðast í þessari keppni árið 2007 en þá vann KR 4-1 í Reykjaneshöllinni.