KR tapaði 1-3 fyrir Þór/KA í fyrsta leiknum í Lengjubikarkeppni ársins. Dagmar Mýrdal Gunnarsdóttir skoraði mark KR.
Dagmar skoraði fyrsta mark leiksins á 24. mínútu eftir sendingu af vinstri kanti. Boltinn barst fyrir markið og skoraði Dagmar með skoti upp þaknetið af stuttu færi. Þarna sýndi Dagmar ákveðni sem hún mætti gjarnan sýna oftar í baráttunni um boltann.
Þór/KA svaraði þessu með tveimur mörkum á næstu átta mínútum og leiddi 2-1 eftir jafnan fyrri hálfleik.
Seinni hálfleikur var í sjálfu sér jöfn barátta en Þór/KA fékk mun betri færi. KR átti sinn besta möguleika til að jafna fljótlega eftir hlé. Kristín komst inn í vítateiginn vinstra megin og sendi fyrir markið en KR-ingar voru ekki mættir þegar boltinn skoppaði þvert fyrir markteiginn.
Heilt yfir var frammistaða KR-inga ágæt og skref fram á við frá leikjunum á Reykjavíkurmótinu. Það er ýmislegt sem þarf að laga fram að Pepsi-deildinni en miðað við þennan leik og fyrri leiki liðsins er það á réttri leið.
Þór/KA - KR: 0-1 Dagmar Mýrdal Gunnarsdóttir (24.), 1-1 (29.), 2-1 (32.), 3-1 (89.)
Lið KR: Hrafnhildur Agnarsdóttir - Rebekka Sverrisdóttir, Lilja Dögg Valþórsdóttir (f.), Ellen Bjarnadóttir, Elísabet Ester Sævarsdóttir (Svala Rakel Hjaltadóttir 87.) - Dagmar Mýrdal Gunnarsdóttir (Guðrún Ólöf Olsen 69.), Margrét Þórólfsdóttir (Freyja Viðarsdóttir 76.), Mist Edvardsdóttir, Lára Hafliðadóttir (Svava Björnsdóttir 87.), Sonja Björk Jóhannsdóttir (Kristín Sverrisdóttir 46.) - Katrín Ásbjörnsdóttir.
Varamenn: Selja Ósk Snorradóttir, Sonja Ásgeirsdóttir.
Gul spjöld: Ellen Bjarnadóttir, Sonja Björk Jóhannsdóttir.
* Þriðji leikur KR og Þórs/KA í Lengjubikarkeppninni. KR sigraði í fyrsta leiknum en Þór/KA í hinum tveimur. Markatalan er samt 10-4 KR í hag.
* Dagmar Mýrdal Gunnarsdóttir skoraði sitt þriðja mark í 54 leikjum með mfl. KR.
* Harpa Ásgeirsdóttir og Ólöf Gerður Ísberg léku ekki vegna meiðsla.
