KR og Haukar mætast í öðrum leik liðanna í undanúrslitum Iceland Express deildar kvenna. Leikurinn fer fram á Ásvöllum og hefst kl. 19:15. KR-ingar unnu fyrri leikinn sannfærandi en búast má við að Haukastelpur muni selja sig dýrt á heimavelli.

Grunnurinn að góðum sigri í fyrsta leik var vörn Guðrúnar Gróu á Heather Ezel og Margrétar Köru á Kiki Jean Lund en hin danska Kiki skoraði ekki stig gegn Margréti Köru. Henning Henningsson hefur væntanlega komið þeim skilaboð til atvinnumanna sinni að slíkt sé óásættanlegt. Það er mikið spunnið í þetta Haukalið og þær verða örugglega tilbúnar frá fyrstu mínútu í leik 2.

Hvetjum KR-inga til að fjölmenna á leikinn.